Арената „Борис Трајковски“ вчера вечер стана епицентар на музичката сцена во Македонија. Влатко Миладиноски, придружуван од големиот оркестар на Златко Миладиноски, приреди концерт што ќе остане запаметен како еден од најголемите настани на македонската сцена.
Од првата нота до последниот акорд, публиката беше во транс – пееше заедно со Влатко и ја покажуваше својата почит со бурни аплаузи по секоја песна. Концертот не беше само музичко издание, туку вистинска револуција за македонската сцена, како што Влатко самиот најави во емисијата „Кафе муабети“.
Големата сала на арената беше полна со љубители на музиката, а влезниците се распродаваа за миг. Настапот, дополнет со специјални гости, покажа зошто браќата Миладиноски се сметаат за едни од најомилените музичари во земјава и колку ја ценат својата публика.
