Во Ургентниот центар во комплексот клиники „Мајка Тереза“ во Скопје вчера во 16:15 часот била донесена 47-годишна жена со сериозни телесни повреди, откако претходно доживеала несреќа во градот.
Како што информираат од МВР, С.Д. од Скопје се повредила при пад во шахта на булеварот „Партизански одреди“. Несреќата веднаш била пријавена во СВР Скопје од страна на медицинските служби.
По пријавата, надлежните органи извршиле увид на местото на настанот со цел да се утврдат сите околности под кои дошло до повредувањето.
