Млад возач е тешко повреден во сериозна сообраќајна несреќа што се случи синоќа на булеварот „Борис Трајковски“ во Скопје, во судир меѓу две патнички возила.
Според информациите од Министерството за внатрешни работи, инцидентот се случил околу 19:30 часот, кога „тојота корола“ со скопски регистарски ознаки, управувана од 53-годишниот Т.С. од Скопје, се судрила со „фолксваген голф“ исто така со скопски ознаки, кој го возел 19-годишниот Е.О. од село Студеничани.
Во несреќата, Е.О. се здобил со тешки телесни повреди, додека неговиот малолетен сопатник добил полесни повреди. Двете лица се пренесени во ЈЗУ „Св. Наум Охридски“ за укажување на лекарска помош.
На местото на настанот веднаш пристигнала увидна екипа од СВР Скопје која извршила детална истрага за причините што довеле до несреќата.
