Во текот на вчерашниот ден, полицијата во Радовиш спроведе акција што резултираше со апсење на пет лица поврзани со продажба и купопродажба на марихуана.
Синоќа, околу 21:55 часот, во село Бучим, полициски службеници од СВР Струмица-ОВР Радовиш го лишија од слобода Е.С.(36) од Бучим, кој е осомничен дека продавал марихуана, како и М.Р.(29) и Б.У.(24) од Радовиш, кои во моментот на апсењето купувале дрога. Според информации од МВР, лицата биле затекнати во паркирано „Форд“ возило со радовишки регистарски ознаки. При пристапот на полицијата, Е.С. на подот од возилото фрлил повеќе пакувања со марихуана, кои веднаш биле пронајдени и одземени.
М.Р. и Б.У., по службени разговори во полициската станица, признале дека купувале марихуана од Е.С.
Истата вечер, околу 19:20 часот, на влезот во Радовиш, полицијата привела уште двајца млади луѓе од градот – Ј.А.(24) и М.У.(28). При преглед во такси возилото во кое се превезувале, кај нив била пронајдена марихуана. Двајцата признале дека дрогата ја купиле од истиот дилер, Е.С. од Бучим.
