Во заедничка акција на српската полиција и Основното јавно обвинителство во Врање, 31-годишен македонски државјанин е приведен во Прешево поради шверц на електронски цигари. При претрес на возилото што го управувал, полицијата пронашла огромна количина „вејпови“ без потребната документација.
Според официјалното соопштение на српското МВР, во багажниот простор на автомобилот биле откриени вкупно 1.303 парчиња електронски цигари од различни марки. Проценетата вредност на нелегално превезената стока изнесува околу 1,3 милиони динари, што надминува 11.000 евра.
