Велес, 27 август 2025 – По претходна судска наредба, велешката полиција вчера изврши претрес во домот на 84-годишниот Т.Ј., при што биле пронајдени и одземени ловен карабин „Маусер“, ловна пушка „Бајкал ИЖ 12“, 12 патрони за ловна пушка и 11 куршуми за ловен карабин.
Во просториите на неговиот син, З.Ј.(52), полицијата открила марихуана, која исто така била одземена.
За настанот бил известен Јавен обвинител, а по комплетирање на документацијата против Т.Ј. и З.Ј. ќе бидат поднесени соодветни пријави за кривичните дела поврзани со оружје и дрога.
