Во СВР Тетово вчера во 13:40 часот тројца вработени во Центар за социјални работи Тетово пријавиле сомневање за сторено кривично дело „фалсификување исправа“.
Според информациите, на 21 јануари 2026 година во Центарот пристигнало известување од Управа за водење матични книги дека на 8 декември 2025 година во Клиничка болница Тетово е родено женско дете од мајка А.С. (27).
Меѓутоа, при постапката за регистрација на новороденчето во службените евиденции било утврдено дека мајката се води како почината на 21 октомври 2006 година.
По преземени мерки и испратени покани, на 12 февруари 2026 година лицето А.С. се појавила во Центарот за социјални работи заедно со новороденото дете и со уште едно машко лице. Притоа, не приложиле никаков документ за идентификација.
