Хорор во Тетово: Возрасен маж со метален предмет нападнал ученик, па се заканувал и на неговото семејство!

На 02.10.2025 во 10:35 часот во Тетово, полициски службеници од СВР Тетово го лишија од слобода Љ.Х.(43) од Тетово. тој се сомничи дека за време на голем одмор во основно училиште во Тетово физички нападнал 14-годишен ученик од с.Мала Речица, тетовско, при што употребил и метален предмет, а подоцна со остар предмет се заканувал на неговиот татко Ф.О.(43), неговиот брат И.О.(18) и на нивниот сосед А.Д.(31), кои отишле да видат што се случило. Љ.Х. е задржан во полициска станица и по документирање на случајот, против него ќе следува соодветен поднесок.