Скопската полиција во текот на вчерашниот и денешниот ден спроведе неколку одвоени акции на различни локации низ градот, при што се приведени четири лица осомничени за поседување дрога.
Станува збор за З.Н. (37), Г.Ј. (52) и Д.М. (30) од Скопје, како и З.Т. (42) од селото Волково, скопско. Кај нив, при полициски контроли, биле пронајдени и одземени бела прашкаста материја и марихуана.
Од Министерството за внатрешни работи информираат дека по завршување на целосната документација на случаите, против приведените ќе бидат поднесени соодветни пријави.
