Словенија воведе вонредни ограничувања на бензинските пумпи на MOL и Shell, откако снабдувањето со гориво почна да се затегнува под притисок на побарувачката и логистичките отежнувања, објави N1 Словенија.
На пумпите што ги управува MOL, возачите веќе не можат да наполнат повеќе од 30 литри по патничко возило и најмногу 200 литри за камиони, со цел да се спречи нерамноправно точење и да се гарантира доволно количество за сите.
Од MOL соопштуваат дека овој чекор е итен и неопходен. Според нив, во последните недели дистрибуцијата од магацините кон пумпите не успевала да го следи темпото со кое возачите полнеле гориво, што довело до повремени недостиг и празни резервоари на некои локации.
Ограничувањето е воведено како мерка за одржување на „нормално функционирање“ и не треба да значи драматични промени на навиките на корисниците, тие истакнуваат дека 30 литри е приближно во рамките на просечната дневна набавка.
И конкурентот Shell, преку својата филијала „Шел Адрија“, објави дека и тие воведуваат привремен лимит до 100 литри гориво на нивните малопродажни пумпи, но само за автомобили, ограничувањето не важи за камионски дизел пумпи.
