Смртта на генералoт Фанил Сарваров во Москва претставува „ужасно и брутално убиство“, изјави денес портпаролот на Кремљ, Дмитриј Песков. Тој нагласи дека руските безбедносни служби ќе преземат сè што е неопходно во рамки на истрагата за случајот, пренесува РИА Новости.
Ezoic - wp_under_page_title - under_page_title
End Ezoic - wp_under_page_title - under_page_title
Според Руски истражен комитет, Сарваров, кој бил началник на одделот за оперативна обука на Генералштабот на руските вооружени сили, бил тешко повреден кога експлозивна направа поставена под неговиот автомобил детонирала порано денес во Москва. Генералот им подлегнал на повредите на пат кон болница.
Во исто време, Песков ги отфрли тврдењата дека Русија наводно планира обнова на сферите на влијание на поранешниот Советски Сојуз. Тој реагираше на извештај на Ројтерс, кој се повикува на американски разузнавачки извори и тврди дека рускиот претседател Владимир Путин има планови за проширување на руското влијание во Источна Европа.
Ezoic - wp_under_first_paragraph - under_first_paragraph
End Ezoic - wp_under_first_paragraph - under_first_paragraph
„Не знаеме колку се веродостојни тие информации. Дури и ако постојат такви извештаи, станува збор за погрешни претпоставки и заклучоци на разузнавачки служби. Тоа апсолутно не е точно“, изјави Песков.
