Извор: Dnevnik.hr
На Велигденскиот ручек во Белата куќа, кој се одржа во среда, американскиот претседател Доналд Трамп упати остри критики кон НАТО-сојузниците, а особено го исмеа францускиот лидер Емануел Макрон, вклучувајќи и лична навреда за неговата сопруга Брижит.
Трамп, во своето кратко обраќање пред присутните, ја наведе Франција како пример за земја која, според него, одбива да ја поддржи Америка во конфликтот со Иран. „Ја нареков Франција, Емануел Макрон, чие однесување на неговата жена кон него е навистина лошо. Сè уште се опоравува од оној удар во вилицата“, рече Трамп, aлудирајќи на видео од мај 2025 година кое наводно ја покажувало Брижит Макрон како го бутка претседателот на Франција за време на посета на Виетнам. Францускиот лидер подоцна го отфрли видеото како дел од ширење дезинформации.
Трамп исто така тврдеше дека лично побарал воена поддршка од Франција за време на конфликтот во Заливот, но дека Париз го одбил. „Не ни требаа, но сепак прашав“, додаде тој со типичен тон на самоувереност.
