Драматична сцена која наликува на филм се случи во Казахстан, каде еден храбар маж ризикуваше сопствен живот за да спаси мало тригодишно девојче кое се нашло во опасност на висина од осми кат на станбена зграда.
Според информациите кои се споделуваат на социјалните мрежи, девојчето било само во станот и се прекачило преку прозорецот од висококатницата, при што постоела реална опасност да падне.
Во моментите кога ситуацијата станувала сè поопасна, маж кој се наоѓал во соседниот стан решил да реагира. Тој излегол низ прозорецот од својот стан и внимателно се искачил по надворешниот дел од зградата за да стигне до девојчето.
Снимката која се прошири на интернет покажуваат како човекот внимателно се движи по фасадата на зградата, држејќи се за прозорецот, додека луѓето под зградата со вознемиреност ја следат ситуацијата.
По неколку напнати моменти, мажот успеал да стигне до девојчето и безбедно да го внесе назад во станот, спречувајќи можна трагедија.
Видеото од спасувањето брзо се прошири на социјалните мрежи и предизвика голем број реакции, при што многумина го нарекоа човекот вистински херој, истакнувајќи дека неговата храброст спасила живот.
Засега не се соопштени повеќе детали за идентитетот на мажот, но неговиот потег веќе предизвика огромна почит и благодарност кај јавноста.
Случајот уште еднаш покажа дека во критични моменти храброста и човечноста можат да направат разлика меѓу живот и трагедија.
