Европската комисија се уште го поддржува предлогот за укинување на сезонската промена на времето, но конечната одлука зависи од согласноста на земјите членки на ЕУ, изјави портпаролката на Комисијата, Итконен.
„Веруваме дека сè уште постои можност да се најде усогласено решение за ова. Земјите членки мора да се координираат и да се договорат меѓу себе. Свесни сме дека од 2019 година нема значителен напредок по ова прашање, но сме подготвени да поддржиме донесување каква било одлука“, рече Итконен.
Таа додаде дека ЕК спровела повеќе студии за ефектите од менувањето на времето и е подготвена да обезбеди помош и поддршка при донесувањето на конечната одлука.
„Но, сега топката е на теренот на земјите членки, и само тие можат да најдат заеднички став. До следниот клучен момент, овој викенд, сепак, повторно ќе го смениме времето на часовниците“, заклучи Итконен.
