Општина Тетово апелира до граѓаните на Тетово, кои поднеле барање за легализација на бесправно изградени објекти во периодот од 2011 до 2018 година, да ја комплетираат потребната документација до 3 март оваа година, кога истекува законскиот рок.
Во тек е последната можност сите граѓани кои поднеле барање за легализација до Општина Тетово, чија постапка беше прекината претходно поради недостаток на документација, да го искористат законскиот рок и да ја комплетираат потребната документација.
Законот за постапување со бесправно изградени објекти важи до 03.03.2026 година.
Сите лица или субјекти кои поднеле барање претходно, а не можеле да го остварат своето право на легализација, сега имаат можност да го искористат последниот рок за комплетирање на сите потребни документи потребни согласно Законот за легализација на дивоградби.
