Вицепремиерот и министер за транспорт и врски Александар Николоски денеска остварил неколку средби на високо ниво во Стејт департмент на САД, каде разговарал за унапредување на односите меѓу Северна Македонија и Соединетите Американски Држави.
Николоски истакна дека САД се стратешки партнер број еден на Македонија и држава која најмногу ја поддржува земјата, при што на средбите било разговарано за продлабочување на економската и политичката соработка.
Во фокусот на разговорите биле и инфраструктурните проекти, особено Паневропски коридор 8 и Паневропски коридор 10, кои поминуваат низ Македонија и имаат значајна улога за регионалната поврзаност и економскиот развој.
Дополнително, било разговарано и за можностите за склучување трговски договор кој би овозможил зголемена деловна активност и поголема трговска размена меѓу двете држави.
„Стратешкото партнерство треба да значи просперитет, напредок, безбедност и зајакнување на прозападните вредности на Македонија“, посочи Николоски.
