Македонската вокална интерпретаторка и музичарка Зарина Првасевда на 20 декември со почеток во 19:30 часот ќе одржи новогодишен концерт насловен „Кадифено“ во Македонската филхармонија.
Ezoic - wp_under_page_title - under_page_title
End Ezoic - wp_under_page_title - under_page_title
Концертот претставува премиера на нејзиниот нов музички опус и е замислен како интимно и емотивно музичко патување кое ги поврзува македонската и ориенталната традиција со современ звучен израз, импровизација и модерен сензибилитет.
На денешната прес-конференција беа споделени детали за проектот, кој, како што беше истакнато, носи уникатен спој на традиционални музички корени и современа интерпретација, создавајќи автентично и длабоко лично уметничко искуство.
Ezoic - wp_under_first_paragraph - under_first_paragraph
End Ezoic - wp_under_first_paragraph - under_first_paragraph
„Овој концерт за мене е враќање кон корените, но и нивно преосмислување. Сакав публиката да го доживее како интимен простор – како заедничко музичко искуство во кое музиката е разговор, емоција и трансцедентност“, изјави Зарина Првасевда.
Како гости на концертот се најавени и реномирани музичари од Турција – гитарскиот виртуоз Џенк Ердоган и перкусионистот Ахмет Алан. Организаторите информираа дека тие не присуствувале на прес-конференцијата поради доцнење на летот за Скопје, предизвикано од густата магла.
Ezoic - wp_under_second_paragraph - under_second_paragraph
End Ezoic - wp_under_second_paragraph - under_second_paragraph
Ердоган е меѓународно признат фретлес-гитарист, композитор и добитник на Греми награда, со богата кариера и настапи со светски познати музичари, додека Ахмет Алан е познат по спојувањето на турската фолклорна перкусија со современи ритми и енергичен сценски израз.
„Кадифено“ најавува искрена емоција, силна музичка нарација и редок спој на домашна и меѓународна уметничка енергија, нудејќи ѝ на публиката автентично предновогодишно културно доживување.
Ezoic - wp_mid_content - mid_content
End Ezoic - wp_mid_content - mid_content
фото/Кристијан Арсовски
