Граѓаните на Битола можат лесно да ги нарачуваат своите омилени оброци и производи преку Wolt, со специјална промотивна понуда за новите корисници и настан по повод лансирањето.
Wolt, технолошката платформа позната по брза и едноставна достава, официјално се шири и во Битола. Ова проширување доаѓа една година по официјалното лансирање на Wolt во Македонија, каде што досега услугата беше достапна исклучиво во Скопје. Со ова проширување, жителите на градот добиваат уште поудобен пристап до своите омилени локални понуди, директно преку апликацијата Wolt.
Во Битола, сите нови корисници можат да уживаат во 30% попуст на првите две нарачки, како и 14 дена бесплатна достава. Целта е да им се даде можност уште од самиот почеток да ја испробаат платформата и да ја искусат едноставната, секојдневна практичност што ја нуди Wolt, поддржана од добар избор на локални ресторани и малопродажни партнери кои веќе се достапни во градот, заедно со низа одлични попусти и промоции. Корисниците можат да имаат придобивки и од Wolt+, претплатничката услуга на платформата, која нуди пониски трошоци за достава и дополнителни поволности дизајнирани да ја зголемат вкупната вредност за корисниците.
Почнувањето со работа ќе биде одбележано и со јавен настан во Јагода мезе бар, во сабота на 18 април од 12.00 до 16.00 часот, каде посетителите ќе можат да уживаат во пијалаци и закуски, како и во дополнителни изненадувања. Во рамки на настанот ќе биде организирано и „тркало на среќата“, преку кое корисниците што ќе ја преземат или веќе ја имаат инсталирано апликацијата ќе можат да освојат Wolt подароци.
Со доаѓањето во Битола, Wolt отвора нови можности за локалните бизниси, овозможувајќи им пристап до поширока база на корисници и дополнителен дигитален канал за раст. Воедно, создава и флексибилни можности за заработка за сите оние кои избираат да работат според сопствени услови, додека истовремено придонесува за поголема удобност во секојдневието на жителите.
„Возбудени сме што го носиме Wolt во Битола и што го продолжуваме нашиот раст во Македонија,“ изјави Огњен Љумовиќ, одговорен за продажба и бизнис лидер за Македонија во Wolt. „Со добар избор на локални ресторани и трговци, го правиме секојдневието поедноставно за жителите, а воедно создаваме нови можности за локалните бизниси и за луѓето кои бараат флексибилни начини за заработка.“
Ова проширување е дел од пошироките планови на Wolt за натамошен раст на пазарот, а компанијата најавува дека во следните недели ќе продолжи да ја шири својата мрежа и во други средини.
За Wolt
Wolt е технолошка компанија со седиште во Хелсинки, чија мисија е да донесе радост, едноставност и можности за заработка во секојдневието на локалните заедници. Wolt развива платформа за локална трговија која ги поврзува луѓето што сакаат да нарачаат храна, намирници и други производи, со луѓе и бизниси што се подготвени да ги продаваат и доставуваат. Компанијата е основана во 2014 година и во 2022 година ѝ се придружи на DoorDash (NASDAQ: DASH). Во 2025 година, DoorDash ја стекна и Deliveroo, дополнително проширувајќи го своето глобално присуство. Денес, заедно оперираме во повеќе од 30 земји. Повеќе информации може да се најдат на веб-страницата на Wolt.
