Од март оваа година ќе започне новата авиолинија Охрид – Братислава, која ќе се реализира преку авиокомпанијата „Визер“. Новата линија ќе придонесе за подобра поврзаност меѓу Република Северна Македонија и Република Словачка, како и за зајакнување на туристичката и бизнис соработката меѓу двете земји.
Ова беше соопштено по средбата со Ивета Хрицова, новата амбасадорка на Република Словачка. Вицепремиерот и министер за транспорт и врски, Александар Николоски, истакна дека воспоставувањето на директна авионска врска со Братислава е значаен чекор за развој на туризмот, олеснување на деловните контакти и зголемување на економската размена.
