СВР Штип поднесе кривична пријава против 15-годишник од Штип и А.М. (18) од Струмица, со престој во Штип, поради сомнение за три кривични дела „насилство врз дете“.
Според полицијата, на 15 септември двајцата физички нападнале 15-годишник во Штип. Во текот на настанот, првопријавениот снимал со мобилен телефон.
Два дена подоцна, на 17 септември, во двор на образовна установа во градот, пријавените физички нападнале 16-годишник.
На 19 септември, за време на манифестација во Штип, повторно го пресретнале 15-годишникот од првиот случај и му упатувале закани.
Пријавата се однесува на трите настани регистрирани во период од пет дена.
