Утринава околу 8 часот граѓаните на Созопол забележале дрон во близина на брегот и веднаш го пријавиле на властите, пренесува порталот „Новините“. Полицијата брзо ја блокирала областа, а на местото пристигнал и тим од бугарската морнарица за проценка и неутрализирање на можната закана.
Околу 11:30 часот, дронот бил уништен со контролирана експлозија. Според првичните информации, станувало збор за труп на летало без експлозиви. За време на инцидентот немало повредени или материјална штета.
Областа останува затворена додека трае истрагата за потеклото и патеката на дронот. Неофицијално, се шпекулира дека може да биде украински, но тоа засега не е потврдено.
