Големото боречко шоу „BKFC“ во Будва синоќа беше прекинато поради силна бура, откако во клубот „Топ Хил“ падна огромен ЛЕД-екран врз дел од публиката. Еден гледач заработи сериозна повреда на главата и итно беше пренесен во болница.
Несреќата се случи додека траеше програмата на „bare knuckle fighting championship“, најбрзо растечкиот боречки спорт во светот. Невремето со силен ветер и дожд го принуди организаторот да ја прекине манифестацијата и да ги одложи главните борби.
Будва беше домаќин на спектакл кој привлече внимание и поради присуството на ММА ѕвездата Конор Мекгрегор, но невремето ја расипа вечерта. Публиката успеа да проследи неколку атрактивни дуели, но најочекуваните борби – Васо Бакочевиќ – Психо против Вилхелм Ото и Бојан Косендар против Петр Ражов – беа откажани, оставајќи големо разочарување кај фановите.
View this post on InstagramA post shared by 192.RS (@192_rs)
