Русија во текот на изминатата ноќ и утрово лансираше околу 36 ракети и речиси 600 дронови кон Украина, изјави украинскиот претседател Володимир Зеленски.
„Главна мета беа енергетските и цивилните објекти, а голема штета настана и по пожарите во станбени згради. Засега е потврдено дека тројца луѓе загинале, а десетици се повредени“, соопшти Зеленски, пренесува „Униан“.
Тој додаде дека Украина мора итно да обезбеди доволни количества ракети за системите за воздушна одбрана, со цел ефикасна заштита на градовите и зголемен притисок врз Русија.
