Американскиот претседател Доналд Трамп е подготвен да ги признае окупираните делови од Украина како дел од Русија за да го заврши воениот конфликт, пишува британскиот „Телеграф“. Специјалниот претставник на Трамп, Стив Виткoф, ќе го предложи овој план на средба со рускиот претседател Владимир Путин.
Предлогот е контроверзен и ја крши американската дипломатска конвенција, а Украина и нејзините европски сојузници се противат на делот од договорот што предвидува територијални отстапки. Изворите велат дека САД не ги интересира ставот на Европа, „Европјаните нека прават што сакаат“.
Трамп претходно му постави рок на украинскиот претседател Зеленски да го прифати новиот американски мировен план, кој меѓу другото бара од Украина да се откаже од членство во НАТО и да повлече трупи од одредени територии. Планот бил преработен, отстранети се девет од 28 почетни точки, а нови средби меѓу Трамп и Зеленски се најавуваат, без точен датум.
