По оставката поднесена во сред корупциски скандал и истрагата на НАБУ за неговиот дом, поранешниот шеф на Канцеларијата на претседателот на Украина, Андриј Јермак, објави дека заминува на фронт, пренесува „Украјинска правда“.
„Одам на фронт и сум подготвен на секоја репресија. Јас сум чесна и пристојна личност. Посрамотен сум, а моето достоинство не е заштитено, и покрај тоа што сум во Киев од 24 февруари 2022. Не сакам да создадам проблеми на Зеленски – одам на фронт“, изјави Јермак.
Тој не прецизираше во која единица ќе служи ниту кога точно ќе биде распореден во борбена зона.
По неговата емотивна порака, Јермак престана да одговара на повици, известува „Украјинска правда“.
