Руското Министерство за одбрана соопшти дека руските сили ноќеска срушиле 142 украински дрона, вклучувајќи 27 над Московската област. Нападите биле насочени кон околу десет региони во европскиот дел на Русија, особено кон Брјанск и Курск, кои граничат со Украина.
Градоначалникот на Москва, Сергеј Собјанин, информираше дека во неделата наутро биле пресретнати четири дрона што се движеле кон главниот град. Нападите предизвикале нарушување на авионскиот сообраќај: според Росавијација, четири московски аеродроми – Шереметјево, Внуково, Домодедово и Жуковски – биле погодени, при што биле пренасочени 134 лета.
До 10 часот по московско време, две аеродроми (Внуково и Грабцево во Калушка област) останале затворени.
Украина со овие напади, според своите претставници, се обидува да ја наруши руската воена логистика и снабдување. Од Киев порачуваат дека штетата врз руските цивили е далеку помала во споредба со она што Русија ѝ го нанела на украинското цивилно население.
