Руските напади со ракети и беспилотни летала во Украина започнаа синоќа и продолжија утрово, оставајќи повеќе од 600.000 луѓе без електрична енергија, соопшти украинското Министерство за енергетика.
Според информациите од Министерството, повеќе од 500.000 потрошувачи во Киев и повеќе од 100.000 во регионот околу главниот град останале без струја утрово. Дополнително, речиси 8.000 жители во регионот на Харков се погодени од прекинот на снабдувањето со електрична енергија.
Министерството потенцира дека нападите продолжуваат, а ситуацијата со снабдувањето со електрична енергија останува тешка во погодените области.
