Руската војска го зазеде украинскиот рударски град Покровск во источниот регион Донецк, кој се наоѓаше под напад околу една година, изјави денеска за новинарите портпаролот на Кремљ, Дмитриј Песков.
Песков додаде дека претседателот Владимир Путин е информиран. Од Киев засега нема потврда за овие тврдења.
Според непотврдени извори, руските сили го зазеле и градот Вовчанск во соседниот Харков. Украинскиот претседател Володимир Зеленски, пак, за време на посетата на Париз, изјави дека интензивни борби се уште се водат околу Покровск и во Харков.
Набљудувачите сугерираат дека руската објава за освоени територии може да биде навремено објавена пред очекуваната посета на американскиот специјален пратеник Стив Виткоф на Москва, додека Кремљ се обидува да покаже напредок пред разговорите за можен мировен план.
