Најмалку 19 лица се повредени во инцидент со огномет што се случи вчера вечерта на саемот во Диселдорф, Германија, јави Н1 телевизија.
Меѓу повредените има и едно дете, а четири лица се со сериозни повреди, соопшти утрово противпожарната служба во Диселдорф. На местото на настанот интервенираа речиси 80 пожарникари и спасувачи.
Според првичните информации, еден од огнометите експлодирал од непознати причини, најверојатно поради прениска висина, доцна синоќа. Полицијата ја истражува причината, но засега претпоставува дека се работи за несреќен случај.
Организаторите на саемот ја прекинаа свеченоста предвреме и изразија длабока жалење за слученото. Портпаролот најави дека ќе разгледа дали следната година ќе ја продолжат традицијата со огномет.
Саемот, посветен на заштитникот на градот Свети Аполинариус, започна на 11 јули и требаше да трае до утре.
