Хрватската платформа „Halo, inspektore“ предупредува на повлекување од пазарот на чај кој може да биде штетен за здравјето на потрошувачите. Станува збор за производот Чај Плуќњак 30g, серија: L07441 и L07442, рок на употреба до 30.09.2026, поради зголемена количина на пиролизидински алкалоиди.
Овие соединенија се токсични и се наоѓаат во многу видови растенија, каде природно го штитат зеленилото од билојадни инсекти. Кај луѓето, пиролизидинските алкалоиди можат да предизвикаат оштетување на црниот дроб и други здравствени проблеми.
Производот е произведен од SUBAN d.o.o., Galici 8, Стрмец кај Загреб, а повлекувањето се однесува исклучиво на наведениот чај. Потрошувачите се советуваат да ги проверaт своите ормари и да не го консумираат производот.
Платформата истакнува дека иако некои од овие растенија се користеле во народната медицина, високите концентрации на пиролизидински алкалоиди може да бидат опасни за здравјето.
