Министерството за социјална политика, демографија и млади ја информира јавноста дека исплатата на пензиите продолжува редовно и без никакви промени. Сите пензии се исплаќаат во согласност со важечките законски одредби.
Во врска со постапката во Уставниот суд, министерството појаснува дека отворањето на постапката не значи укинување или измена на актуелните мерки. Сите законски решенија остануваат во сила додека не се донесе конечна одлука од судот.
Министерството апелира до пензионерите да не подлегнуваат на дезинформации и шпекулации, нагласувајќи дека евентуални промени во законската рамка ќе бидат навремено и транспарентно соопштени.
