Во помошна просторија од својот дом во Велес вчера беше пронајден починат 70-годишниот П.Т. Според информации од СВР Велес, лекар од Итната медицинска помош констатирал смрт без видливи траги на насилство.
На местото на настанот е извршен увид од полициска екипа, а по наредба на јавен обвинител, телото на починатиот е предадено на обдукција за да се утврдат причините за смртта.
Полицијата продолжува со истрага, а случајот е класифициран како мистериозна смрт.
