Вчера во 11:15 часот во Битола, полициски службеници од СВР Битола го лишиле од слобода Ф.В. (41) од Битола поради сомнение за сторени кривични дела „убиство во обид“ и „загрозување на сигурноста“, информираа од Министерството за внатрешни работи.
Според информациите, на 18.02.2026 година тој физички го нападнал својот син, при што употребил и секира.
Додека со него се водел службен разговор во Полициската станица Битола, осомничениот нападнал полициски службеници и оштетил дел од инвентарот во станицата.
