Во два одделни случаи во Охрид и околината, полицијата приведе двајца напаѓачи – 24-годишен маж и 35-годишна жена – кои физички ги нападнале своите мајки.
Првиот инцидент се случил утрово околу 06:35 часот на улицата Јане Сандански во Охрид, кога 24-годишен охриѓанец по вербална расправија ја нападнал својата 50-годишна мајка. Полицијата брзо интервенирала и го лишила од слобода, а против него ќе биде поднесена пријава.
Вториот напад бил пријавен синоќа околу 20 часот во едно охридско село. Таму 35-годишна жена, во расправија со својата 62-годишна мајка, употребила тврд предмет и ѝ нанела повреди. И таа била веднаш приведена, а против неа ќе следува соодветна пријава.
Двете мајки завршија под полициска заштита по жестоките семејни инциденти.
