Според најновите податоци на Еуростат за 2024 година, дури 34,7% од граѓаните на Хрватска не можат да си дозволат седумдневен одмор надвор од својот дом, што е значително над просекот на Европската унија (27%). Иако е забележано мало подобрување во споредба со претходните години, овие бројки отворија бурна јавна дебата во земјата.
Хрватска се најде во горниот дел од листата заедно со Романија (58,6%), Грција (46,0%) и Бугарија (41,4%), додека најдобро рангирани се Луксембург, Шведска и Холандија со најнизок процент на граѓани што не можат да си дозволат одмор.
На социјалните мрежи, граѓаните коментираат дека „очекувале и полошо“, но и остро ја критикуваат економската и политичката состојба. Некои посочуваат на енормно високите цени на туристичкиот сместувач, а други пак споменуваат дека во соседните земји се земаат и кредити за годишен одмор.
„Ако луѓето можат да патуваат до Загреб на концерт, сигурно можат и неколку дена на одмор“, саркастично коментира еден корисник. Од друга страна, многумина признаваат дека со сегашниот стандард, луксузот на летување станува недостижен.
Иако трендот е во опаѓање во однос на изминатата деценија, бројките покажуваат дека сè уште огромен број граѓани на ЕУ, особено во јужниот и источниот дел од континентот, се соочуваат со економски предизвици кои го ограничуваат нивниот пристап до основен одмор и одморување.
